articles

कलामा मानवीय समस्याको समाधान खोज्दै विजय थापा

विश्वमा प्रत्येक पल राम्रा नराम्रा घटनाहरू घटिरहेका हुन्छन् । हरेकको जीवनमा घटने यस्ता घटनाहरूलाई स्वीकार्नै पर्ने बाध्यताले मानवलाई बाँधेको छ । तर यिनै घटनाहरूले जन्माएका उकुस मुकुस भावनालाई हृदयबाटै अनुभव गरेर व्यक्त गर्ने क्षमता भने हरेकसँग कहाँ हुन्छ र - त्यसरी नै सधैँ रङ्गको संसारमा डुबिरहने एउटा साधारण कलाकार ती पलहरूमा पनि भिन्दाभिन्दै रङ्गहरू देख्न पुग्दछ । त्यसैले त कलाकार विजय थापा आफूले देखे भोगेका ती पलहरूलाई जीवनको रङ्ग नाम दिन पुग्दछन् ।

कलाकार थापा आफ्नो कलामा सन्देश अनि मौलिक शैलीमा बढी प्राथमिकता दिनुपर्ने कुरामा जोड दिन्छन् । हुन पनि कलाकार थापाका चित्रहरूले समसामयिक घटनाका शृङ्खलाहरूसँगै मानवीय समस्याका समाधान खोजृ झैं लाग्दछन् ।

सन् १९६५ देखि कलाको गोरेटोमा प्रत्यक्ष रूपमा उत्रेका कलाकार थापाले वि.सं. २०१९ सम्म आईपुग्दा र्स्वर्गवासी राजा विरेन्द्रको कला(शिक्षक बन्ने सौभाग्य समेत पाए । त्यसपछि धेरै वर्षम्म कलाकार थापा कला क्षेत्रमा सक्रिय रूपले लागिपरे । तर पछि काठमाडौँको एकैनासको दिनचर्याबाट विरक्तिएर कलाकार थापा आफ्नो जन्मस्थान नवलपरासी पुगे । एक दशक लामौ स्वतन्त्र जीवन बिताएर कलाकार थापा वि.सं. २०५५ मा नवलपरासीबाट काठमाडौँ फर्किए । हाल कलाकार थापा नेपाल ललितकला संस्था -नाफा)का प्राज्ञ तथा प्रज्ञा प्रतिस्थानका सदस्य समेत छन् । बेलाबखतमा कला विषयमा कलम चलाउने कलाकार थापा जीवनमा घट्ने प्रत्येक घटनाहरूलाई गम्भीरतापर्ूवक आफ्ना कलामा समाहित गर्दछन् ।

जीवनलाई गहिरिएर महसुस गर्ने यी कलाकार कलाको बारेमा भन्नुहुन्छ - " कला एकमात्र त्यस्तो सशक्त साधन हो जुन अमूक भएर पनि बोलिरहेको हुन्छ ।" कलाकार थापा विशेषतः एक्रेलिक तथा तैल रङ्गमा खेल्न रुचाउँछन् । कलालाई जीवनको एक अभिन्न अंगको रूपमा लिने कलाकार थापा जीवनका समस्या, चिन्ता, सःख-दुःख, आशा, सपना, तनाव आदिलाई आफ्नो कलाका विषयवस्तु बनाउन रुचाउँछन् ।

२०५८ माघ २७
हिमालय टाइम्स